پی آئی اے کےبیڑےمیں فرانسیسی کمپنی کاتیارکردہ اے ٹی آر طیارہ شامل

کراچی(92نیوز)قومی ائیرلائن کےبیڑےمیں فرانسیسی کمپنی کاتیارکردہ اے ٹی آر طیارہ شامل کرلیاگیا طیارے نے  آج کراچی ائیرپورٹ پرلینڈ نگ کی۔ تفصیلات کے مطابق پی آئی اےکابہتری کی جانب ایک اور قدم،لیز پرلیاجانےوالا پہلا اےٹی آر طیارہ کراچی پہنچ گیا۔ چیئرمین ناصرجعفر نےطیارےاورعملےکااستقبال کیا۔ 66 مسافروں کو لےجانےکی صلاحیت سےلیس اے ٹی آرطیارہ آئرش کمپنی سے8سالہ ڈرائی لیزپرحاصل کیاگیا ہے۔ اےٹی آر طیارےکومقامی سطح پرپروازوں کیلئےاستعمال کیاجائےگا جبکہ ان پرپی آئی اےکااپنا عملہ تعینات کیاجائے گا۔ حکومت نےپی آئی اے کےفضائی بیڑےمیں دس اے تھری 20 طیارےبھی شامل کرنےکافیصلہ کیا ہے۔