پی آئی اے کے اے ٹی آر طیارے سے پرزے نکال کر فروخت کیے جانے کا انکشاف

 کراچی (92 نیوز) پی آئی اے کا لیز پر حاصل کردہ اے ٹی آر طیارہ بھی محفوظ نہ رہ سکا۔ کرپٹ افسران نے پرزے فروخت جبکہ دو برس میں طیارہ ڈھانچے میں تبدیل ہو گیا۔ ایک ساتھ دوگنا نقصان، ایک جانب طیارہ پرزوں سے محروم ہو گیا۔ دوسری جانب لیز کی مد میں ماہانہ لاکھوں روپے کی رقم بھی ادا کرنا پڑی۔ ذرائع کے مطابق پی آئی اے کی اس وقت کی انتظامیہ نے جرمن سی ای او اور ڈائریکٹر انجینئرنگ کے خلاف تحقیقات کرائیں تاہم تحقیقات مکمل ہونے پر رپورٹ کو دبا دیا گیا۔ پی آئی اے کو تین سال کے دوران لاکھوں امریکی ڈالرز کا نقصان اٹھانا پڑا۔