پی آئی اے کا کراچی اور سکھر سے اندرون ملک فلائٹ آپریشن بند کرنیکا نوٹم جاری
سکھر ( 92 نیوز) سندھ میں لاک ڈاؤن کے باعث پی آئی اے نے کراچی اور سکھر سے اندرون ملک فلائٹ آپریشن بند کرنے کا نوٹم جاری کر دیا۔
پی آئی اے کے جاری کردہ نوٹم کے مطابق جناح انٹرنیشنل ایئرپورٹ کراچی اور سکھر ایئرپورٹ کل سے بند رہیں گے ، بین الاقومی فلائٹ آپریشن پہلے ہی چار اپریل تک بند ہے۔
سول ایوی ایشن نے دوحہ میں پھنسے پاکستانیوں کیلئے قطرایئرلائن کو ون ٹائم پرواز کی اجازت دے دی، پرواز رات آٹھ بجے اسلام آباد پہنچے گی ۔