پی آئی اے کا فضائی میزبان رمضان گل کینیڈا میں پراسرار طور پر لاپتہ
ٹورنٹو (92 نیوز) پی آئی اے کا فضائی میزبان رمضان گل کینیڈا میں پراسرار طور پر لاپتہ ہو گیا۔ رمضان گل 29 جنوری کو پی کے 798کے ذریعے ٹورنٹو پہنچا تھا۔
کینیڈا کے اسٹیشن مینجر نے ایئرپورٹ اتھارٹی کو رمضان گل کے لاپتہ ہونے کی اطلاع دی۔
پی آئی اے انتظامیہ نے رمضان گل کی گمشدگی کا نوٹس لے لیا ۔ کینیڈین امیگریشن اتھارٹی کو بھی معاملے سے آگاہ کردیا گیا۔
پی آئی اے انتظامیہ کے مطابق فضائی میزبان کے خلاف ضابطے کی کارروائی عمل میں لائی جائے گی۔