پہلے اقامہ پر نکالا، اب کرپشن کے چارجز بھی ثابت ہوگئے ہیں، شاہ محمود قریشی

مٹیاری (92 نیوز) تحریک انصاف کے رہنما شاہ محمود قریشی نے کہا کہ پہلے اقامہ پر نکالا، اب کرپشن کے چارجز بھی ثابت ہوگئے ہیں،  پہلی بار کسی طاقتور شخص پر ہاتھ ڈالا گیا ہے۔ مٹیاری میں جلسہ سے خطاب کرتے ہوئے شاہ محمود قریشی کا کہنا تھا کہ موجودہ پیپلزپارٹی زرداری کی پارٹی ہے، سندھ کے لوگ محسوس کرتے ہیں کہ ان کے حالات بگڑے ہیں، سندھ میں بہت بڑا پڑھا لکھا طبقہ تبدیلی چاہتا ہے۔ شاہ محمود قریشی کا کہنا تھا کہ پنجاب میں لوگ پی پی اور ن لیگ سے مایوس ہوکر پی  ٹی آئی میں جارہے ہیں۔ لوگوں نے فیصلہ کر لیا ہے کہ انہیں نیا پاکستان چاہیے۔