پہلا ون ڈے ، پاکستان انڈر 19 نے آسٹریلیا کو شکست دیدی
میلبورن ( 92 نیوز ) پاکستان اور آسٹریلیا کی انڈر 19 ٹیموں کے درمیان کھیلے جانے والے پہلے ون ڈے میچ کے دوران پاکستان نے آسٹریلیا کو 6 وکٹوں سے شکست دیدی۔
گرین شرٹس نے ٹاس جیت کر پہلے فیلڈنگ کا فیصلہ کیا جو درست ثابت ہوا۔ صرف 9 کے مجموعی اسکور پر آسٹریلیا کی دو وکٹیں گر چکی تھیں ۔
میکینزی ہاروی اور آرون ہارڈی کی 94رنز کی شراکت نے کینگروز کا اسکور 241 تک پہنچا دیا ۔
میزبان ٹیم کی جانب سے میکنزی ہاروی نے 136رنز کی شاندار اننگز کھیلی۔
اکستان کی جانب سے موسیٰ خان نے 4اور ارشد اقبال نے 3کھلاڑیوں کو آؤٹ کیا ۔
ہدف کے تعاقب میں پاکستان کی بیٹنگ پر اعتماد رہی ۔
اوپنر نے 52 رنز کا عمدہ آغاز فراہم کیا۔
گرین شرٹس نے ہدف 4 وکٹوں پر حاصل کر لیا ۔
پاکستان کی جانب سے علی زریاب اور سعد خان نے نصف سنچریاں اسکور کیں ۔ کینگروز کی جانب سے نیل اسمتھ اور آرون ہارڈی نے ایک ایک وکٹ حاصل کی۔