پولیس کے نظام میں بہتری ، کرپشن کاخاتمہ کرکے اسٹیٹس کو کو توڑیں گے ،وزیراعلیٰ پنجاب
لاہور( 92 نیوز) نومنتخب وزیراعلیٰ پنجاب عثمان بزدار نے اپنی حکومت کے ترجیحی اقدامات سے متعلق بھی آگاہ کر دیا ۔ وزیراعلیٰ پنجاب عثمان بزدار کا کہنا ہے کہ پنجاب میں پولیس نظام کوبہتر کریں گے ، کرپشن کے خاتمے اور ادارے مضبوط کر کے اسٹیٹس کو کو توڑیں گے ۔
عثمان بزدار کا کہنا تھا کہ اپنے قائد عمران خان کے وژن کے مطابق چلیں گے ، ہر ممبر اپنے حلقے کا وزیراعلیٰ ہوگا ، ہم اپوزیشن کو بھی ساتھ لے کر چلیں گے ۔
دوسری جانب پنجاب کابینہ کے وزرا کے نام بھی سامنے آگئے پنجاب کی مختصر کابینہ میں میاں محمود الرشید ، علیم خان ، میا ں اسلم اقبال کو شامل کرنے کا فیصلہ کیا گیا ہے ۔
ڈاکٹر یاسمین راشد، اشفہ ریاض ، ڈاکٹر مراد راس بھی پنجاب کی کابینہ میں شامل ہوں گے۔