پولیس وردی سے مشابہ کپڑوں میں ملبوس ڈکیتوں نے شہری لوٹ لیا
کراچی ( 92 نیوز) کراچی میں طسے مشابہ ڈکیت گروہ سرگرم ہو گیا ، ملزمان نے ایک شہری کے پاس موجود رقم میں کچھ جعلی نوٹوں کی موجودگی کا الزام لگاکر روکا اور 2 لاکھ روپے چھین کر بھاگ گئے ۔
کراچی والے ہوجائیں ہوشار، خبردار ، پولیس سے مشابہ وردی والوں سے دھوکہ نہ کھائیں ، ڈکیت گروہ مبینہ ٹاؤن تھانے کی حدود میں سرگرم ہے ، 15 دن کے دوران 4 شہریوں پر ہاتھ صاف کردیا ۔
ملزمان نے چند روز قبل یونیورسٹی روڈ پر ایک شہری سے لوٹ مار کی ، بینک سے رقم نکلوانے والے شہری کو روکا اور جعلی نوٹ ہونے کا الزام لگادیا ، شہری نے جیسے ہی رقم چیک کرنے کیلئے ایک ملزم کو دی، وہ گاڑی میں بیٹھ گیا اور دوسرے ملزم نے گاڑی بھگادی اور 2 لاکھ روپے لوٹ کر نو دو گیارہ ہوگئے ۔
متاثرہ شہری کے ساتھی نے واقعے کی ویڈیو بناکر پولیس کے حوالے کردی، لیکن تاحال ملزمان قانون کی گرفت سے دور ہیں ۔