پنڈورا پیپرز میں شامل تمام پاکستانیوں کے حوالے سے تحقیقات کریں گے ، وزیراعظم عمران خان
اسلام آباد (92 نیوز) وزیراعظم عمران خان نے پنڈورا پیپرز کا خیر مقدم کرتے ہوئے کہا ہے کہ پیپرز میں شامل تمام پاکستانیوں کے حوالے سے تحقیقات کریں گے۔
پنڈورا پیپرز نے اشرافیہ کی ناجائز دولت بے نقاب کر دی۔ وزیراعظم عمران خان کی طرف سے بھی پنڈورا پیپرز کے انکشافات کا خیر مقدم سامنے آیا۔ وزیراعظم نے ٹویٹ کیا پیپرز میں شامل تمام پاکستانیوں کے حوالے سے تحقیقات کریں گے۔ غلطی کے مرتکب افراد کے خلاف ایکشن لیا جائے گا۔
My over-two decades struggle has been premised on the belief that countries are not poor but corruption causes poverty because money is diverted from being invested in our people. Also, this resource-theft causes devaluation, leading to thousands of poverty-related deaths.
— Imran Khan (@ImranKhanPTI) October 3, 2021
وزیراعظم نے مزید لکھا اشرافیہ نے کالا دھن بنا کر محفوظ پناہ گاہوں میں منتقل کیا۔ 7ٹریلین ڈالر محفوظ پناہ گاہوں میں رکھا گیا۔ یہ رقم آف شور کمپنیوں کے ذریعے منتقل کی گئی۔ ایسٹ انڈیا کمپنی کی طرح اشرافیہ بھی دولت لوٹ رہی ہے۔ ناجائزہ دولت ٹیکس چوری اور بدعنوانی کے ذریعے جمع کی جاتی ہے۔
If unchecked, inequalities between rich & poor states will increase as poverty rises in the latter. This in turn will lead to a flood of economic migration from the poor to the rich states, causing further economic & social instability across the globe.
— Imran Khan (@ImranKhanPTI) October 3, 2021
وزیراعظم عمران خان نے لکھا اقوام متحدہ کے پلیٹ فارم سے 7 ٹریلین ڈالر کے غیرقانونی اثاثوں کی نشاندہی کی تھی۔ بدقسمتی سے ترقی یافتہ ممالک لوٹ مار روکنے اور لوٹی ہوئی رقم کو واپس کرنے میں کوئی دلچسپی نہیں رکھتے۔
