پنجاب کے ٹیچنگ اسپتالوں میں 48 ڈاکٹروں نے نوکری سے استعفیٰ دیدیا
لاہور (92 نیوز) پنجاب کے ٹیچنگ اسپتالوں میں 48 ڈاکٹروں نے نوکری سے استعفیٰ دے دیا۔ محکمہ اسپیشلائزڈ ہیلتھ کیئر نے ڈاکٹروں کے مستعفی ہونے کا نوٹیفکیشن جاری کردیا۔ میو اسپتال میں کام کرنے والے سب سے زیادہ 14 ڈاکٹروں نے استعفیٰ دیا۔
الائیڈ اسپتال فیصل آباد سے 2 ، ڈی جی خان اسپتال سے 4 ڈاکٹروں نے ملازمت چھوڑ دی۔ سول اسپتال بہاولپور، شیخ زاید رحیم یار خان سے 2 اور جناح اسپتال سے 7 ڈاکٹروں نے ملازمت چھوڑی۔
گورنمنٹ نواز شریف یکی گیٹ اسپتال سے 2 چلڈرن اسپتال لاہور سے 6 ڈاکٹروں نے ملازمت چھوڑی۔ سروسز اسپتال سے 2، لیڈی ایچی سن سے 2 اور لاہور جنرل اسپتال سے 3 ڈاکٹرز مستعفی ہوئے۔ کوٹ خواجہ اسپتال، شاہدرہ ٹیچنگ اسپتال، گوجرانوالہ ٹیچنگ اسپتال اور میاں منشی اسپتال سے ایک ایک ڈاکٹر مستعفیٰ ہوئے۔