پنجاب کے مختلف شہروں میں شدید دھند،ھد نگاہ انتہائی کم
لاہور ( 92 نیوز) پنجاب کے مختلف شہروںمیں شدید دھند کے باعث حد نگاہ انتہائی کم ہو گئی ، لاہور، قصور، شکرگڑھ اور دیگر علاقے شدید دھند کی لپیٹ میں آ گئے۔
شدید دھند کےباعث موٹروے ایم فائیو ملتان سے رحیم یار خان تک بند ہے ، موٹر وے ایم تھری لاہور سے سمندری تک شدید دھند کی وجہ سے بند ہے جب کہ حدنگاہ کم ہونے پر شاہراہوں پر ٹریفک کی روانی متاثر ہے ۔
بہاولپور کے علاقہ احمد پور میں شدید دھند کے باعث یوٹرن کرتے ہوئے متعدد گاڑیاں ٹکرا گئیں ، اطلاعات کےمطابق ایک ٹرک یو ٹرن لے رہا تھا کہ پہلے مسافر بس ، پھر وین اور پھر وین میں ٹرک اور اائل ٹینکر آ کر لگے ، حادثے میں سات افراد زخمی ہوئے جن میں تین کی حالت تشویشناک ہے ۔