پنجاب کے تعلیمی ادارے اگلے دو روز کے لیئے بند کرنے کا فیصلہ
لاہور (92 نیوز)پنجاب حکومت نےاگلے دو روز کے لیئےصوبے بھر کے تعلیمی ادارے بند کرنے کا فیصلہ کیا ہے۔ پنجاب حکومت کے مطابق تعلیمی ادارے بروز پیر اور منگل بند رہیں گے۔
صوبائی وزیر تعلیم پنجاب رانا مشہود نے کہا ہے کہ دھرنوں کی وجہ سے جاری حالات کے پیش نظر تعلیمی ادارے بند کرنے کا فیصلہ کیا گیا ہے۔ انہوں نے کہا ہے کہ لاہورسمیت پورے صوبے کے تمام سرکاری و نجی ادارے بند رہیں گے۔
پنجاب کے تمام تعلیمی ادارے بدھ کے روز کھلیں گئے۔
