پنجاب ٹور ڈی ریس ، شرکا ملتان سے ساہیوال کے لئے روانہ

ملتان(ویب ڈیسک)پانچویں پنجاب ٹور ڈی ریس کے شرکا تیسرے مرحلہ کے لئے ملتان سے ساہیوال کے لئے روانہ ہو گئے۔ سائیکل ریس میں چھ افغانیوں سمیت  اکہتر سائیکلسٹ شریک ہیں۔ پانچویں ٹور ڈی سائیکل ریس کے شرکا کھاد فیکٹری ملتان سے روانہ ہو ئے۔ اکہتر سائیکلسٹ آج  ایک سو ساٹھ  کلو میٹر کا سفر طے کرتے ہوئے ساہیوال پہنچیں گے ۔ ٹور ڈی سائیکل ریس کے شرکا مجموعی طور پر  نو سو ستر  کلومیٹر کا سفر طے کر کے راولپنڈی پہنچیں گے۔ ریس کے پہلے دو مرحلوں میں افغانی سائیکلسٹ کو برتری حاصل ہے۔ سائیکل ریس کے شرکا کا کہنا ہے کہ اس طرح کے مقابلوں سے ملک میں سیاحت کو فروغ ملے گا۔