پنجاب میں کورونا کے مزید 86 کیسز رپورٹ، تعداد 2004 تک جا پہنچی

لاہور (92 نیوز) پنجاب میں کورونا وائرس زورپکڑنے لگا، مزید 86 کیسز رپورٹ ہونے کے بعد تعداد 2004 تک جا پہنچی۔ ترجمان پرائمری اینڈ سکینڈری ہیلتھ کیئر کے مطابق ملتان میں 475، لاہور 297، ڈی جی خان 251، فیصل آباد میں 18 متاثرین ہیں، ادھر مریضوں کی تصدیق پر چنیوٹ کے 4 دیہات قرنطینہ میں تبدیل کردئیے گئے۔ گزشتہ روز پنجاب میں کورونا کے 102 کیسز سامنے آئے تھے، جس کے بعد کل تعداد 1918 ہو گئی تھی۔