پنجاب میں کورونا وائرس کا شکار ایک اور مریض دم توڑ گیا

 لاہور (92 نیوز) پنجاب میں کورونا وائرس کا شکار ایک اور مریض دم توڑ گیا۔ میواسپتال کے سی ای او نے تصدیق کر دی۔ شیخوپورہ کے رہائشی ستر سالہ محمد حنیف کو چند روز قبل اسپتال لایا گیا تھا۔ ملک میں کورونا کے باعث مرنے والوں کی تعداد دس ہو گئی۔ متاثرہ مریضوں کی تعداد بارہ سو پینتیس ہو گئی۔ پنجاب میں 408 ، سندھ میں 429 ، خیبرپختونخوا میں 147 اور بلوچستان میں 131 مریض زیرعلاج ہیں۔