پنجاب میں پولیو کے مزید دو کیسز رپورٹ
لاہور ( 92 نیوز) پنجاب کو پولیو سے پاک کرنے کا خواب شرمندہ تعبیر نہیں ہو سکا ، 2 مزید بچے اس وائرس سے زندگی بھر کے لیے معذور ہو گئے ۔
قومی ادارہ صحت نے دسمبر 2019 میں بچوں کے نمونے حاصل کیے ، قومی ادارہ صحت نے بچوں کی معذوری پولیو سے ہونے کی تصدیق کر دی ، ڈی جی خان سے دونوں پولیو کےکیسز رپورٹ ہوئے۔
ڈیرہ غازی خان کی 12 ماہ کی بچی پولیو وائرس سے متاثر ہوئی ، ڈی جی خان سے ہی 6 ماہ کی بچی پولیو وائرس سے معذور ہو گئی ۔
پنجاب میں پولیو کیس رپورٹ ہونے کے بعد محکمہ پرائمری اینڈ سیکنڈری ہیلتھ کیئر کے دعوں کی قلعی کھل گئی ، پنجاب میں گزشتہ سال سامنے آنے والے پولیو کیسز کی تعداد 8ہو گئی ، ان میں 3 بچے اور 5 بچیاں شامل ہیں ۔
رواں سال پنجاب میں 85 سے زائد ماحولیاتی نمونوں میں وائرس پکڑا گیا ، ذرائع کے مطابق پنجاب میں ٹائپ ٹو کا بھی ایک کیس رپورٹ ہوا تھا۔