پنجاب حکومت کا سانحہ گلشن اقبال پارک پر تین روزہ سوگ کا اعلان

لاہور (92نیوز) پنجاب حکومت نے سانحہ گلشن اقبال پارک پر تین روزہ سوگ کا اعلان کر دیا ہے۔ تفصیلات کے مطابق حکومت پنجاب نے عوام سے اپیل کی ہے کہ وہ زخمیوں کی مدد کیلئے خون کا عطیہ کریں اور سرکاری ہسپتالوں میں رابطہ کریں۔ حکومت پنجاب کا کہنا ہے کہ اس وقت زخمیوں کو خون کی اشد ضرورت ہے اس لیے زخمیوں کی جان بچانے کیلئے خون عطیہ کریں۔ پنجاب حکومت نے المناک سانحے پر تین روزہ سوگ کا ا علان بھی کردیا۔ تمام سرکاری عمارتوں پر پرچم سرنگوں رہیں گے۔