پنجاب ایپکس کمیٹی کا اجلاس ، کورونا ایس او پیز کی خلاف ورزیوں پر اظہار تشویش
اسلام اباد (92 نیوز) وزیراعلیٰ پنجاب سردار عثمان بزدار کی زیر صدارت ایپکس کمیٹی کا خصوصی اجلاس ہوا جس میں کورونا ایس او پیز کی خلاف ورزیوں پر اظہار تشویش اور سزاؤں کے متعلق تجاویز پر غور کیا گیا۔
اجلاس میں ایس او پیز پر عملدرآمد کیلئے مربوط انداز میں موثر اقدامات اٹھانے پر اتفاق، سختی سے عملدرآمد کرانے کا فیصلہ بھی کر لیا گیا۔ کورکمانڈ لاہور نے کورونا کے چیلنج سے نمٹنے کیلئے پنجاب حکومت کے ساتھ تعاون جاری رکھنے کے عزم کا اظہار کیا۔
لاہور: وزیر اعلیٰ
پنجاب عثمان بزدار کی زیر صدارت ایپکس کمیٹی کا خصوصی اجلاس#92NewsHDPlus
#BreakingNews
pic.twitter.com/sKfliMZ2pY
وزیراعلیٰ پنجاب سردار عثمان بزدار سے کور کمانڈر لاہور لیفٹیننٹ جنرل ماجد احسان نے الوداعی ملاقات کی ۔ کور کمانڈر لاہور کی حیثیت سے پیشہ ورانہ انداز میں فرائض سرانجام دینے پر وزیراعلیٰ نے لیفٹیننٹ جنرل ماجد احسان کی خدمات کو خراج تحسین پیش کیا۔ سردار عثمان بزدار نے لیفٹیننٹ جنرل ماجد احسان کی مستقبل کی ذمہ داریوں کے حوالے سے نیک خواہشات کا اظہار بھی کیا۔
وزیر اعلیٰ پنجاب سے ارکان اسمبلی نے ملاقات کی اور شہر کی ترقی اور شہریوں کو مزید سہولتیں دینے کے حوالے سےاقدامات پر بات چیت کی۔
