پنجاب اسمبلی کے بجٹ اجلاس میں اپوزیشن کی ہنگامہ آرائی،ایوان مچھلی منڈی بن گیا
لاہور ( 92 نیوز ) پنجاب اسمبلی کے بجٹ اجلاس میں اپوزیشن کی ہنگامہ آرائی کے باعث ایوان مچھلی منڈی کا منظر پیش کرنے لگا
اپوزیشن ارکان نے وزیر خزانہ پنجاب کی بجٹ تقریر کے دوران شور شرابہ کیا اور اسپیکر کے ڈائس کا گھیراؤ کر لیا ۔ اس موقع پر اپوزیشن کے ارکان نے بجٹ کی کاپیاں پھاڑ کر ہوا میں اڑا دیں۔
پنجاب اسمبلی کے بجٹ اجلاس میں ہاتھا پائی بھی ہوئی ، لیگی ارکان کی ہر قیمت پر اجلاس کی کارروائی روکنے کی کوشش کرتے رہے ، ناکامی کی صورت میں اپوزیشن کا اسمبلی کی سیڑھیوں پر بھی احتجاج کر ڈالا اور شدید نعرے بازی کی ۔
