پشاور کے علاقے حیات آباد میں 28 نمبر بس سٹیشن کے قریب بی آر ٹی بس میں اگ بھڑک اٹھی
پشاور (92 نیوز) پشاور میں حیات آباد اسٹیشن کے قریب بی آر ٹی بس کو آگ لگ گئی۔ ریسکیو 1122 نے آگ پر قابو پا لیا۔
حیات آباد میں قائم بی آر ٹی سٹیشن نمبر 28 کے قریب بی آر ٹی بس میں آگ بھڑک اٹھی۔ واقعے کے چند منٹ بعد ریسکیو کی ٹیمیں موقع پر پہنچ گئیں اور فوری طور پر آگ پر قابو پا لیا۔ آگ لگتے ہی مسافروں کو بحفاظت بس سے اتار لیا گیا۔ معاون خصوصی برائے اطلاعات کامران بنگش کے بقول واقعے کی تحقیقات کی جا رہی ہیں۔
آگ بجھاتے ہی بی آر ٹی سروس بحال کر دی گئی۔ فوری طور پر آگ لگنے کی وجہ معلوم نہ ہو سکی۔
