پریمئیر لیگ فٹبال :چیلسی کو مانچسٹر یونائیٹڈ نے اپ سیٹ شکست دے دی
مانچسٹر(ویب ڈیسک)پریمئیر لیگ فٹبال میں ایونٹ کی فیورٹ چیلسی کی ٹیم کو مانچسٹر یونائیٹڈ نے اپ سیٹ شکست دے دی مانچسٹر یونائیٹڈ نے صفر کے مقابلے میں دوگولز سے میدان مار لیا دوسرے مقابلے میں لیور پول نے ویسٹ بروم وچ کو پچھاڑ دیا ۔
تفصیلات کےمطابق پریمئیر لیگ فٹبال میں اعصاب شکن مقابلوں کا سلسلہ جاری کل کھیلے گئےاہم میچ میں ایونٹ کی فیورٹ چیلسی کی ٹیم کو مانچسٹر یونائیٹڈ کے ہاتھوں اپ سیٹ شکست ہوئی،،یکطرفہ مقابلے میں مانچسٹریونائیڈ نے حریف ٹیم کو صفر کے مقابلے میں دو گولز سے شکست دی۔
دوسرے مقابلے میں لیور پول اور ویسٹ بروم وچ کی ٹیمیں آمنے سامنے ہوئیں،،پہلا ہاف ختم ہونے سے ایک منٹ قبل لیورپول کے کھلاڑی روبرٹور فرمینو نے گول اسکور کر کے اپنی ٹیم کو برتری دلا دی ۔
دوسرے ہاف میں حریف ٹیم نے گول کرنے کی بھرپور کوشش کی لیکن ناکام رہی،،لیورپول نے صفر کے مقابلے میں ایک گول سے میچ اپنے نام کر لیا۔
33ویں ویک کے اختتام پر چیلسی کی ٹیم75 پوائنٹس کے ساتھ پہلی پوزیشن پر موجود ہے،،ٹوٹنھم دوسرے جبکہ لیورپول تیسری پوزیشن پر براجمان ہے،،فتح کے بعد مانچسٹر یونائیٹڈ کی ٹیم پانچویں پوزیشن پر آگئی ۔
