پرویز مشرف اشتہاری قرار، عدالت کا ایک ماہ کے اندر گرفتار کرکے عدالت میں پیش کرنیکا حکم

کراچی (نائنٹی ٹو نیوز) خصوصی عدالت نے پرویز مشرف کو اشتہاری قرار دیدیا۔ عدالت نے حکم دیا کہ سابق صدر کو ایک ماہ کے اندر گرفتار کر کے عدالت کے سامنے پیش کیا جائے۔ جسٹس مظہر عالم کی سربراہی میں خصوصی عدالت نے سنگین غداری کیس کی سماعت کی۔ خصوصی عدالت نے حکم دیا کہ  اردو اور انگریزی اخبارات میں اشتہارات دیئے جائیں کہ ملزم مفرور ہیں۔ عدالت نے ایف آئی اے کو حکم دیا کہ وہ ملزم کو گرفتار کرنے کیلئے فوری اقداما ت کرے۔ خصوصی عدالت میں سیکریٹری داخلہ بھی پیش ہوئے۔ ایف آئی اے نے عدالت کو بتایا کہ وہ پرویز مشرف کے گھر گئے لیکن ملزم وہاں موجود نہیں تھا۔ عدالت نے حکم دیا کہ ایف آئی اے ایک ماہ کے اندر اندر ملزم کو گرفتار کر کے عدالت کے سامنے پیش کرے۔ جسٹس مظہر عالم کا کہنا تھا کہ وکلا صفائی کو اب عدالت میں موجود نہیں ہونا چایئے۔