پاکستان کی کابل ،ننگر ہار میں دہشتگردی واقعات کی شدید مذمت
اسلام آباد (92 نیوز ) پاکستان نے افغانستان کے دار الحکومت کابل میں طبی مرکز پر دہشتگردی اور ننگر ہار میں جنازے پر خود کش حملے کے واقعات کے پرزور مذمت کی ۔
ترجمان دفتر خارجہ کے مطابق افغانستان میں رمضان کے مقدس ماہ ، کورونا وباء کے دوران دہشتگردی کے واقعات انتہائی قابل مذمت ہیں ، پاکستان کو افغانستان میں دہشتگرد واقعات میں قیمتی جانوں کے ضیاع پر انتہائی دکھ ہے ۔
ترجمان دفتر خارجہ کے مطابق پاکستان متاثرہ خاندانوں کے ساتھ دلی ہمدردی اور تعزیت کا اظہار کرتا ہے ، زخمیوں کی جلد صحت یابی کیلئے دعا گو ہیں ، غم کی اس گھڑی میں دعائیں افغان عوام کے ساتھ ہیں ۔
دفتر خارجہ کی جانب سے کہا گیا کہ پاکستان ہر قسم کی دہشتگردی کی پر زور مذمت کرتا ہے ، پاکستان پر امن اور مستحکم افغانستان کی حمایت جاری رکھے گا۔
