پاکستان کی 72 سالہ ترقی نے مجھے حیران کیا ہے، شہزادہ ولیم
اسلا م آباد (92 نیوز) برطانوی شہزادہ ولیم نے کہا کہ پاکستان کی 72سالہ ترقی نے مجھے حیران کیا ہے، محمد علی جناح کا قول ہے کہ کوئی جدوجہد اس وقت تک کامیاب نہیں ہوسکتی جب تک خواتین مردوں کے شانہ بشانہ کام نہ کریں۔
شہزادہ ولیم نے تقریب سے خطاب کرتے ہوئے کہا کہ برطانیہ میں 15 لاکھ پاکستانی نژاد شہری ہیں، پاکستان کے گریٹ پوٹینشل سے فائدہ قربانیاں دے کر ہی اٹھایا جاسکتا ہے، پاکستان نے دہشت گردی اور نفرت کے خلاف بہت قربانیاں دی ہیں۔