پاکستان میں کورونا وائرس مزید 27 زندگیاں نگل گیا
اسلام آباد (92 نیوز) پاکستان میں کورونا وائرس سے مزید 27 افراد انتقال کر گئے۔ گزشتہ 24 کے دوران ایک ہزار 490 نئے کیسز سامنے آئے۔
Statistics 4 Oct 21:
Total Tests in Last 24 Hours: 52,415
Positive Cases: 1490
Positivity %: 2.84%
Deaths : 27
Patients on Critical Care: 3407
نیشنل کمانڈ اینڈ آپریشن سنٹر کے مطابق ملک بھر میں ایکٹو کیسز کی تعداد 46 ہزار 206 رہ گئی۔ سندھ میں ایکٹو کیسز 22 ہزار 696، پنجاب میں 16 ہزار 48، خیبرپختونخوا میں 4 ہزار 326، اسلام آباد میں 2 ہزار 272 ایکٹو کیسز ہیں۔ اسکے علاوہ گلگت بلتستان میں 160، بلوچستان میں 178 جبکہ آزاد جموں و کشمیر میں 526 ایکٹو کیسز ہیں۔
این سی اوسی حکام کا کہنا ہے کہ گزشتہ روز 27 افراد جاں بحق ہوئے جس کے بعد اموات کی مجموعی تعداد 27 ہزار 893 ہوگئی۔ ایک دن میں 52 ہزار 415 افراد کے کورونا ٹیسٹ کیے گئے۔ مثبت کیسز کی شرح 2 اعشاریہ 84 ریکارڈ کی گئی۔
این سی اوسی حکام کا مزید کہنا تھا کہ 3 ہزار 407 مریضوں کی حالت تشویشناک ہے۔ گزشتہ روز ایک ہزار 760 مریض صحتیاب ہوئے۔ ملک بھر میں صحتیاب ہونے والوں کی تعداد 11 لاکھ 77 ہزار 249 ہوچکی ہے۔