پاکستان کو بھارتی سرجیکل اسٹرائیک منصوبے کے بارے میں معتبر معلومات ہیں، معید یوسف

اسلام آباد (92 نیوز) قومی سلامتی سے متعلق وزیر اعظم کے مشیر معید یوسف نے کہا کہ پاکستان کو بھارتی سرجیکل اسٹرائیک منصوبے کے بارے میں معتبر معلومات ہیں۔

جمعہ کو 92 نیوز سے گفتگو کرتے ہوئے اُنہوں نے کہا کہ بھارت اپنے جھوٹ کے بے نقاب ہونے پر نالاں ہے۔ انہوں نے مزید کہا، "ہم نے دنیا کو آگاہ کیا ہے کہ پاکستان کو ہندوستانی ڈیزائن کے بارے میں معلوم ہے۔"

معید یوسف نے کہا کہ دنیا کو یہ جان لینا چاہئے کہ امن ایک اجتماعی ذمہ داری ہے۔ انہوں نے مزید کہا ، "اگر حالات کو بھڑکایا گیا تو پاکستان کی مسلح افواج کسی بھی قسم کی بھارتی غلطی کو ناکام بنانے کے لئے تیار ہیں۔"

انہوں نے کہا کہ پاکستان اپنے دشمن کو موزوں سبق سکھائے گا۔ انہوں نے یہ نتیجہ اخذ کیا ، "دنیا کو ہندوستان کو خطے میں عدم استحکام پیدا کرنے سے باز رکھنا چاہئے۔"