پاکستان نے نیوزی لینڈ سے کرکٹ ٹیم کا دورہ ختم کرنے پر احتجاجی مراسلہ تھما دیا
اسلام آباد (92 نیوز) پاکستان نے نیوزی لینڈ سے کرکٹ کا دورہ ختم کرنے پر احتجاجی مراسلہ تھما دیا۔
پاکستان نے کرکٹ کے میدان سے بھاگنے والے نیوزی لینڈ کو سفارتی میدان میں سبق سکھانے کی تیاری کر لی۔ پاکستان نے کرکٹ معاہدہ توڑنے کا معاملہ سفارتی سطح پر اُٹھا دیا۔
کرکٹ ٹیم کا دورہ منسوخ کرنے پر پاکستان نے نیوزی لینڈ سے باضابطہ احتجاج کیا ہے، ہائی کمشنر نے احتجاجی مراسلہ نیوزی لینڈ حکومت کے سپرد کر دیا۔ دورہ ختم کرنے کی وجوہات اور تفصیلات کی فراہمی کا مطالبہ کردیا۔