پاکستان نے مہاجرین کے مسائل کے حل کیلئے 17 فروری کو کانفرنس بلا لی
اسلام اباد (92 نیوز) پاکستان نے مہاجرین کے مسائل کے حل کیلئے 17 فروری کو کانفرنس بلا لی ۔ ذرائع کے مطابق کانفرنس میں مہاجرین کی میزبانی کرنیوالے ایران، ترکی اور دیگر ممالک شرکت کریں گے۔
ذرائع کے مطابق اجلاس میں دیگر ممالک کے اعلٰی حکام، نمائندے بھی شریک ہوں گے۔ اجلاس میں اقوام متحدہ کے سیکرٹری جنرل انتونیو گوترس کی شرکت کا قوی امکان ہے ۔ کانفرنس میں اقوام متحدہ کے انسانی حقوق کے نمائندگان بھی شریک ہوں گے۔