پاکستان نے مقبوضہ کشمیر سے متعلق بھارتی وزیر دفاع کا بیان مسترد کردیا

اسلام آباد ( 92 نیوز) پاکستان نے مقبوضہ کشمیر سے متعلق بھارتی وزیر دفاع کا بیان مسترد کردیا۔ ترجمان دفتر خارجہ کا کہنا ہے کہ آزاد جمو ں و کشمیر ، مقبوضہ کشمیر کی صورتحال پر بھارتی بیان  گمراہ کن اور قابل مذمت ہے ۔  بھارتی وزیر دفاع کا بیان مقبوضہ کشمیر میں جاری بھارتی ریاستی دہشت گردی سے عالمی توجہ ہٹانے کی کوشش ہے ۔

ترجمان دفتر خارجہ نے کہا کہ پانچ اگست کا بھارتی اقدام مقبوضہ کشمیر میں آبادی کے تناسب میں تبدیلی کی بھارتی سازش کا حصہ ہے ، جموں کشمیر میں ڈومیسائل جیسے قوانین کشمیریوں کے حقوق غصب کرنے کی کوشش ہے ۔

ترجمان دفتر خارجہ کی جانب سے کہا گیا کہ بی جے پی سرکار بندوق کی نوک پر دس ماہ سے لاک ڈاؤن کئے  ہوئے ہے ، مقبوضہ کشمیر میں کرفیو  اور مواصلاتی پابندیاں عالمی و انسانی حقوق کے خلاف ہیں ، بھارتی وزیر دفاع کا بیان کشمیر میں ریاستی دہشتگردی سے توجہ ہٹانے کی ناکام کوشش ہے