پاکستان نے مقامی سطح پر کین سائنو ویکسین کی تیاری شروع کر دی، اسد عمر
اسلام آباد (92 نیوز) پاکستان نے مقامی سطح پر کین سائنو ویکسین کی تیاری شروع کردی۔ سربراہ این سی او سی اسد عمر کا کہنا ہے مئی کے آخر تک ویکسین استعمال کے لئے دستیاب ہو گی۔
سربراہ این سی او سی اور وفاقی وزیر برائے منصوبہ بندی اسد عمر نے اپنے ٹویٹ میں بتایا خام مال سے کین سائنو ویکیسن قومی ادارہ صحت میں بنا شروع ہو گئی۔ ویکسین کی تیاری کے لیے پلانٹ گزشتہ ماہ لگایا گیا تھا۔ خصوصی تربیت یافتہ ٹیم تیاری میں حصہ لے رہی ہے۔ سخت کوالٹی کنٹرول چیک کے بعد انشاءاللہ مئی کے آخر تک ویکسین استعمال کے لئے دستیاب ہو جائے گی۔
The first batch
of bulk cansino vaccine being processed at the national Institute of
health plant set up for this purpose last month. Specially trained team
working on it. Will inshallah be available for use by end of May after
going thru rigorous quality control checks pic.twitter.com/kSC7tQAdrz
حکومتی منصوبے کے مطابق کورونا ویکسین کی آمد کا سلسلہ کامیابی سے جاری ہے۔ وزارت صحت کے مطابق ایسٹرازنیکا آکسفورڈ کی 12 لاکھ 38 ہزار ویکسین کی پہلی کھیپ اسلام آباد ایئرپورٹ پہنچ گئی۔ برطانوی ویکسین ایسٹرا زینیکا کی پہلی کھیپ قطر ائیرلائن کی پرواز کے ذریعے اسلام آباد پہنچی گی۔
وزارت صحت حکام کے مطابق اگلے مہینے ایسٹرا زینیکا ویکسین کی 12 لاکھ 38 ہزار ڈوزز پر مشتمل دوسری کھیپ بھی پاکستان پہنچ جائے گی۔