پاکستان نے بھارت کے دہشتگردی سے متعلق گمراہ کن الزامات مسترد کر دیے

اسلام آباد (92 نیوز) پاکستان نے بھارت کے دہشتگردی سے متعلق گمراہ کن الزامات مسترد کر دیے ، ترجمان دفترخارجہ کہا کہنا ہے کہ بھارت کی پاکستان کے خلاف ریاستی دہشتگردی ایک ناقابل تردید حقیقت ہے۔

ترجمان دفتر خارجہ نے کہا کہ پاکستان کا سامنے لایا گیا "ڈوزیئر"،یورپی یونین ڈس انفو لیب کی رپورٹ ازخود ثبوت ہیں ، بھارت جھوٹے دعوؤں سے جموں و کشمیر میں بربریت سے دنیا کی توجہ نہیں ہٹا سکتا۔

ترجمان دفتر خارجہ نے کہا کہ کشمیریوں کو اقوام متحدہ کی  قراردادوں کے مطابق حق خودارادیت دیا جائے۔