پاکستان نے 18 ممالک میں نئی سفارتی تقرریوں کی منظوری دیدی
اسلام آباد ( 92 نیوز) پاکستان نے 18 ممالک میں نئی سفارتی تقرریوں کی منظوری دیدی ۔ وزیرخارجہ کی وزیراعظم سے مشاورت مکمل ہونے پر پاکستان نے 18 ممالک میں نئی سفارتی تقرریوں کی منظوری دی ، نغمانہ ہاشمی چین، آمنہ بلوچ ملائیشیا، معین الحق بھارت میں پاکستانی ہائی کمشنر نامزد کر دیے گئے ۔
ایڈیشنل سیکرٹری امتیاز احمد جاپان جبکہ ظہیر جنجوعہ بیلجیئم میں پاکستان کے نئے سفیر نامزد کئے گئے ، فرانس میں متعین سفیر معین الحق کو بھارت میں پاکستانی ہائی کمشنر نامزد کر دیا گیا ۔
ایڈیشنل سیکرٹری آمنہ بلوچ ملائیشیا، میجر جنرل عبدالعزیز طارق برونائی جبکہ ثقلین سیدہ کو نیروبی، کینیا کیلئے ہائی کمشنر نامزد کیا گیا ہے ۔
میجر جنرل محمد خالد راؤ بوسنیا ہرزیگوینا، رخسانہ افضل سنگاپور، جاوید خٹک پرتگال، خالد جمالی چیک ریپبلک ، عطاء المنعم شاہد ، الجیریا ، سرفراز احمد سپرا سوڈان جبکہ عمران حیدر تاجکستان کیلئے نئے سفیر نامزد کیے گئے ہیں ۔
متحدہ عرب امارات میں سفیر معظم احمد خان کو اسپشل سیکرٹری وزارتِ خارجہ تعینات کر دیا گیا ، خالد مجید پاکستان قونصلیٹ جدہ جبکہ عائشہ عباس خان کو نیویارک، امریکا میں قونصل جنرل نامزد کیا گیا ۔
غلام دستگیر متحدہ عرب امارات میں پاکستانی سفیر ہوں گے جبکہ روس میں متعین سفیر قاضی خلیل اللہ کو مزید 6 ماہ کی توسیع دے دی گئی ۔
وزیر خارجہ شاہ محمود قریشی نے اظہار خیال کرتے ہوئے کہا امید ہے تمام سفارتکار بہترین سرمایہ کاری اپنائیں گے اور پاکستان کے بہتر تشخص کو اجاگر کریں گے۔