پاکستان نرسنگ کونسل کا اربوں روپے کی مبینہ بےضابطگیوں کا آڈٹ کرانے سے انکار
صدر پی این سی افشاں نازلی اوررجسٹرار فوزیہ مشتاق آڈٹ ٹیم کو ریکارڈ فراہم کرنے میں رکاوٹ بن گئیں۔ ذرائع کے مطابق پاکستان نرسنگ کونسل آڈیٹر جنرل آف پاکستان کی ٹیم کو ریکارڈ فراہم کرنے پر تیار نہیں، نرسنگ کونسل میں خلاف ضابطہ بھرتیوں کا بھی انکشاف ہوا ہے۔
ذرائع کے مطابق بے ضابطگیاں کرنے والی پاکستان نرسنگ کونسل کی انتظامیہ کونسل کا خود آڈٹ کرنے کا دعویٰ کردیا۔ آڈٹ نہ ہونے کے باعث کونسل میں ہونے والی بے ضابطگیوں پر کھلی چھوٹ دے رکھی ہے۔
صدر پی این سی افشاں نازلی اور رجسٹرار فوزیہ مشتاق رابطہ کرنے کے باوجود موقف دینے سے گریزاں ہیں۔ بغیر اشتہار کے پاکستان نرسنگ کونسل کے ملازم رکھنے اور تنخواہ کی ادائیگی کا بھی انکشاف ہوا ہے۔
