پاکستان میں کورونا دم توڑنے لگا، گزشتہ 24 گھنٹوں میں 8اموات ریکارڈ

اسلام آباد ( 92 نیوز)پاکستان میں کورونا وائرس دم توڑنے لگا ، کورونا  کیسز میں واضح کمی آنے لگی ، گذشتہ 24 گھنٹوں میں 513 نئے کیسز اور 8 افراد جان کی بازی ہار گئے، 2 لاکھ  72 ہزار 804 مریض صحتیاب جبکہ  فعال کیسز  کی تعداد 11 ہزار 945 ہے ۔

نیشنل کمانڈ اینڈ آپریشن سنٹر  کے مطابق گزشتہ 24 گھنٹوں کے دوران کورونا کے 513 نئے کیسز سامنے آئے جبکہ 8 افراد جاں بحق ہو گئے ہیں  ،ملک بھر میں اب تک 6209 اموات ہوچکی ہیں  ،ملک بھر میں  صحتیاب ہونے والے مریضوں کی تعداد 2  لاکھ 72 ہزار 804 ہے ،کورونا کے فعال کیسز کی تعداد 11 ہزار 945 رہ گئی  ہے۔

ترجمان کے مطابق ملک بھر میں کورونا وائرس کے مریضوں کی  تعداد 2 لاکھ 90 ہزار 958 تک پہنچ گئی ،سندھ میں  سب سے زیادہ مریضوں کی تعداد ایک لاکھ 27 ہزار 60 ہے ، پنجاب میں 95 ہزار 800  ،کے پی کے میں 35 ہزار 468 ، بلوچستان میں 12 ہزار 403 ،اسلام آباد میں 15 ہزار 425 ،آزاد جموں و کشمیر میں 2219 اور گلگت بلتستان میں 2583 ہے ۔

گذشتہ 24 گھنٹوں میں 23 ہزار 670 افراد کے  ٹیسٹ کیے گئے ،ملک بھر میں اب تک 23 لاکھ 63 ہزار 752 ٹیسٹ ہو چکے ہیں ،‏‏اسپتالوں میں کوروناوینٹی لیٹرزکی تعداد 1920 جبکہ 735 اسپتالوں میں کورونا مریضوں کےلیے سہولیات دستیاب ہیں ،اس وقت 1  ہزار  216 مریض اسپتالوں میں زیر علاج ہیں ۔