پاکستان میں بھی کورونا وائرس چوٹی پر آکر نیچے کی جانب گامزن
اسلام آباد ( 92 نیوز) ہر ملک کیطرح پاکستان میں بھی کورونا وائرس پیک پر آیا اور اب ہر گزرتے دن کے ساتھ نئے کیسز کا گراف نیچے آنے لگا ہے،اعداد و شمار کے مطابق کیسز پیک پر پہنچ کر کم ہو رہے ہیں۔
ماہ جون کے آغاز میں کورونا کیسز میں کمی تھی ، درمیان میں اچانک اضافہ اور اب پھر کمی دیکھنے میں آنے لگی ہے ، کیا پاکستان نے کورونا وائرس کی پیک دیکھ لی؟، کورونا کیسز کا گراف پیک پرپہنچ کر نیچے آنے لگا۔
سرکاری اعداد و شمار کے مطابق تیرہ جون کو ملک بھر کے کیسز بلند ترین سطح 6ہزار 825 تک گئے اور 22 جون کو بتدریج کمی کے بعد 3 ہزار 946 پر پہنچ گئے ۔
پنجاب میں کیسز 12 جون کو 2 ہزار 705 کو چھونے کے بعد نیچے آنے لگے ، 22 جون کو کیسز کم ہو کر ایک ہزار 365 پر آ گئے ، سندھ میں بھی کیسز میں بتدریج کمی آنے لگی ،گیارہ جون کو سندھ میں مجموعی کیسز 3 ہزار اڑتیس سامنے آئے جو کہ 22 جون کم ہو کر ایک ہزار 464 تک آ گئے ۔
دوسری جانب ملک بھر میں کورونا سے صحت یاب ہونے والوں کی تعداد میں اضافہ ہوگیا اور ابتک 73 ہزار سے زائد مریض صحتیاب ہو چکے ہیں۔