پاکستان میں بھارتی ریاستی دہشتگردی بارے ڈوزیئر اقوام متحدہ کے سیکرٹری جنرل کو پیش

اقوام متحدہ میں پاکستانی مستقل مندوب منیر اکرم نے یو این سیکرٹری جنرل سے ملاقات میں بھارتی دہشت گردی سے متعلق ڈوزیئر پیش کیا۔ انہوں نے کہا ہے کہ اقوام متحدہ کے متعلقہ ذیلی اداروں، سلامتی کونسل کے مستقل اور غیر مستقل رکن ممالک کو بھی ڈوزیئر پیش کیا جائے گا۔ تمام فورمز پر ڈوزیئر کی پیروی بھی کی جائے گی۔ بھارت پاکستان میں ریاستی دہشتگردی میں ملوث ہے۔ بھارت سی پیک کو سبوتاژ کرنے کے لیے پاکستان میں دہشتگردی کروا رہا ہے۔ بھارتی دہشتگردی اقوام متحدہ چارٹر اورعالمی قوانین کی کھلی خلاف ورزی ہے۔

اقوام متحدہ کے سیکریٹری جنرل کو پاکستان میں بھارتی پشت پناہی کیساتھ دہشتگردی سے آگاہ کیا گیا ۔ سیکرٹری جنرل نے دہشتگردی کے خلاف پاکستان کی قربانیوں کو سراہا۔