پاکستان میں آج یوم سوگ، قومی پرچم سرنگوں، پاکستان کی حکومت اور عوام تمام افراد کے غم میں برابر کے شریک ہیں: وزیراعظم
لاہور (92نیوز) وزیراعظم نوازشریف کی ہدایت پر آج پورے ملک میں یوم سوگ منایا جارہا ہے اور اس سلسلے میں اہم سرکاری عمارتوں ایوان صدر، وزیراعظم ہاﺅس، وزیراعظم آفس اور سیکرٹریٹ اور سفارتخانوں پر قومی پرچم سرنگوں ہے۔
وزیراعظم نوازشریف نے اس موقع پر کہا کہ سانحہ نلتر پرپاکستان کی حکومت اور عوام تمام افراد کے غم میں برابر کے شریک ہیں۔
تعزیتی پیغامات متعلقہ سفارتخانوں، وزارت خارجہ اور خاندانوں کو بھیج دیئے ہیں۔ سفارت کاروں کی میتیں مکمل اعزاز کے ساتھ متعلقہ ممالک کو بھیجی جائیں گی۔