پاکستان علما کونسل نے کورونا وائرس سے بچاؤ کیلئے فتویٰ جاری کر دیا
لاہور ( 92 نیوز) کورونا وائرس سے بچاؤ کیلئے اقدامات اٹھاتے ہوئے پاکستان علما کونسل نے فتویٰ جاری کردیا ، اعلامیے کے مطابق پوری دنیا کورونا کے رسک پرہے، جس کے باعث تمام سیاسی ومذہبی اجتماعات فوری طور پر ملتوی کر دیے جائیں ۔
پاکستان علما کونسل کی جانب سے جاری کردہ فتویٰ میں کہا گیا کہ مساجد میں نماز باجماعت فرش پر ادا کی جائے ، نمازجمعہ کے اجتماعات میں اردو تقریرختم اور عربی خطبات کو مختصر کیا جائے۔