ورلڈ اکنامک فورم آج پاکستان اسٹریٹجی ڈے منائے گا
ترجمان دفتر خارجہ کے مطابق عالمی اقتصادی فورم کے صدر بورگ براندے مذاکرے کا حصہ ہوں گے، مذاکرے میں نامور کمپنیاں، سرمایہ کار اور ماہرین شرکت کریں گے، مشیر خزانہ، اقتصادی امور اور صنعت کے وزراء شرکت کریں گے۔
ترجمان دفتر خارجہ کے مطابق اقتصادی، مالیاتی، سرمایہ کاری، تجارتی، پیداواری، علاقائی ربط اور سی پیک سمیت اہم امور پر مباحثہ ہو گا، پاکستان میں توانائی ترجیحات، مشکلات پر بھی خصوصی سیشن ہو گا، مذاکرے میں توانائی، پیٹرولیم اور موسمیاتی تبدیلی کے وزراء، مشیر شرکت کریں گے۔
ترجمان دفتر خارجہ کے مطابق پاکستان میں اقتصادی ترقی، اصلاحات اور سرمایہ کاری کے مواقع پر تفصیلی گفتگو ہو گی۔
