پاکستان سپر لیگ فائیو کی ٹکٹوں کی فروخت شروع
کراچی ( 92 نیوز) پاکستان سپر لیگ فائیو کی ٹکٹوں کی فروخت شروع ہو گئی ، نجی کورئیر کمپنی کے سینٹرز پر افتتاحی تقریب کے ایک ہزار اور ڈھائی ہزار والے ٹکٹس آدھے گھنٹے میں ہی بک گئے ۔
پی ایس ایل فائیو کے لئے ٹکٹوں کی فروخت کے دوسرے مرحلے کا آغاز ہوگیا ، کراچی والوں کی افتتاحی تقریب کے سستےٹکٹس پر نظر ہیں ، کسی کو ٹکٹس ملے کسی نے دیگر میچز کے ٹکٹس لیکر کام چلایا۔
کرکٹ کے متوالوں کا کہنا تھا کہ پہلی بار پورا پی ایس ایل پاکستان میں ہورہا ہے ، جس کی خوشی لفظوں میں بیان نہیں کر سکتے۔
پاکستان کے اسٹیڈیمز میں ایک بار پھر سٹی بجے گی اور اسٹیج بھی سجے گا ، کرکٹ فینز کا کراچی، کوئٹہ اور پشاور کے میچز کی ٹکٹوں کی خریداری پر زور رہا ۔