ملک بھر میں مسیحی برادری نے کرسمس کا تہوار مذہبی جوش و جذبے سے منایا
اسلام آباد (92 نیوز) ملک بھر میں مسیحی برادری نے کرسمس کا تہوار مذہبی جوش و جذبے سے منایا، چرچز میں دعائیہ تقاریب ہوئیں، کیک کاٹے گئے، ملکی سلامتی کیلئے خصوصی دعائیں کی گئیں۔
کرسمس کا تہوار، مسیحی برادری خوشیوں سے سرشکار، کرسمس پر روایتی جوش و جدبہ دیکھا گیا۔ گرجا گھروں میں دعائیہ تقریبات کے دوران ملکی سلامتی کیلئے خصوصی دعائیں کی گئیں۔
کرسمس پر مٹھائیاں اور کیک تقسیم کئے گئے، پی آئی اے کی پرواز میں سانتاکلاز بھی آگئے۔ پنجاب کے چھوٹے بڑے شہروں میں کرسمس کی تقریبات ہوئیں۔ موٹرے وے پولیس اہلکار وومن کرسچن اسپتال پہنچے جہاں کرسمس کا کیک کاٹا گیا۔
لاہور کے چڑیا گھر میں بچوں نے جانوروں کی اٹھکیلیاں دیکھیں۔ راولپنڈی اور اسلام آباد کے گرجاگھروں کو دلہن کی طرح سجایا گیا۔ خیبرپختونخواہ اور سندھ کے مختلف شہروں میں بھی کرسمس کے موقع پر روایتی جوش و خروش دیکھا گیا، کیک کاٹے گئے اور مہمان نوازیوں کا سلسلہ عروج پر رہا۔
ہمارے مسیحی شہریوں کو کرسمس کی ڈھیروں خوشیاں مبارک۔ وباء (COVID-19) کے حوالے سےمجوزہ احتیاطی تدابیر (SOPs) ملحوظِ خاطر رکھتے ہوئے محفوظ رہئیے۔
— Imran Khan (@ImranKhanPTI) December 24, 2020
ادھر وزیراعظم عمران خان نے مسیحی برادری کو کرسمس کی مبارکباد دی اور تہوار کے موقع پر کورونا ایس او پیز کا خیال رکھنے پر زور بھی دیا۔