پاکستان اور جنوبی افریقہ کی ٹیموں کی پنڈی اسٹیڈیم میں جم کر پریکٹس
راولپنڈی (92 نیوز) شاہین جنوبی افریقہ کو دوسرے ٹیسٹ میں ہرا کرسیریز دو صفر سے اپنے نام کرنے کیلئے پرعزم ہیں۔ دونوں ٹیموں کی آج بھی پنڈی اسٹیڈیم میں جم کر پریکٹس جاری ہے۔
قومی اسکواڈ میں شامل باؤلرز نے مہمان بلے بازوں کو اپنے داؤ پیچ میں پھانسنے کیلئے ہتھیار تیز کر لیے۔ قومی ٹیم کی پنڈی اسٹیڈیم میں فزیکل ٹریننگ کے ساتھ باؤلنگ، فیلڈنگ اور بیٹنگ کی بھی پریکٹس جاری ہے۔ ہیڈ کوچ مصباح الحق کا کہنا ہے دوسرے ٹیسٹ میں اچھی تیاری کے ساتھ میدان میں اتریں گے۔
Training day
three!#PAKvSA
action resumes tomorrow. Watch live on https://t.co/hSBVHU1ZMR#HarHaalMainCricket
#BackTheBoysInGreen
pic.twitter.com/uYag1py4t2
جنوبی افریقہ کی ٹیم کی بھی پنڈی اسٹیڈیم میں نیٹ پریکٹس جاری ہے۔ مہمان ٹیم کے بلے باز وین ڈورڈسن نے کہا پاکستانی باؤلنگ اٹیک بہت اچھا ہے ، کراچی ٹیسٹ سے بہت کچھ سیکھا، شاندار تیاری کے باوجود ہم اپنی حکمت عملی پر پورا نہیں اتر سکے۔
ادھر جنوبی افریقہ کے ٹی ٹونٹی اسکواڈ میں شامل کھلاڑی لاہور پہنچ گئے۔ قومی ٹی ٹوئنٹی اسکواڈ بھی لاہور میں رپورٹ کرے گا۔