پاکستان اسٹاک ایکسچینج میں کاروباری ہفتے کے دوران مثبت رجحان دیکھا گیا

کراچی ( 92 نیوز) پاکستان اسٹاک ایکسچینج  میں  کاروباری ہفتے کے دوران مثبت رجحان دیکھا گیا ، ہنڈرڈ انڈیکس مجموعی طور پر 798 پوائنٹس کے اضافے سے 32 ہزار 831 کی سطح پر بند ہوا ، ہفتے کے دوران انٹر بینک میں امریکی ڈالر کی قدر میں  3.22  روپے کمی آئی ، آئی ایم ایف نے بجٹ کیلئے پاکستان کو بڑی رعایتیں بھی دے دیں۔

سرمایہ کاروں کا اعتماد بحال  ہونے لگا ، پاکستان اسٹاک ایکسچینج میں ایک ہفتے کے دوران مثبت رحجان رہا ، ہنڈریڈ انڈیکس میں 798 کا پوائنٹس کا مجموعی اضافہ ریکار کیا گیا ، مارکیٹ 32831 کی سطح پر بند ہوئی ۔

کاروباری ہفتے کے دوران انڈیکس کی بلند ترین سطح  33ہزار 256 جبکہ  کم ترین 30 ہزار 927  رہی جبکہ  89 کروڑ شیئرز کے سودے 31 ارب روپے میں طے ہوئے ،  اس طرح مارکیٹ کیپٹلائزیشن 150 ارب روپے اضافے سے 6ہزار 205 ارب روپے ہو گئی ۔

انٹر بینک میں ڈالر کی قدر میں  3.22 روپے کم ہوئی ہے اور کاروباری ہفتے کے اختتام پر ڈالر کی قدر 163  روپے 57 پیسے رہی ، ایک ہفتے کے دوران ڈالر کی بلند ترین سطح 167 روپے ریکارڈ کی گئی ۔