پاکستان اسٹاک ایکسچینج حملہ ، 2 دہشتگردوں کے قبضے سے ایک جیسے اسمارٹ فون ملے ، ذرائع
کراچی (92 نیوز) پاکستان اسٹاک ایکسچینج حملے کی تحقیقات میں پیشرفت ہو گئی۔ ذرائع کے مطابق دہشتگرد سلمان سمیت 2 دہشتگردوں کے قبضے سے ایک جیسے 2 اسمارٹ فون ملے جن کا ڈیٹا حاصل کرلیا گیا ۔
دہشتگردوں سے ملنے والے موبائل فونز ڈیٹا کے مطابق حملہ آور کراچی میں رابطے میں تھے ۔ امن کے دشمن بلوچستان سے مسلسل کراچی میں ایک نمبر پر رابطے میں رہے ۔ جس نمبر سے رابطہ رہا وہ ڈسٹرکٹ سنٹرل میں استعمال ہوا ۔
قانون نافذ کرنے والے اداروں نے ڈسڑکٹ سینٹرل کے مختلف علاقوں میں کارروائیاں بھی کیں ۔ حملہ آوروں کے پہلے سے ہی کراچی میں رابطوں کے شواہد بھی ملے ہیں جبکہ موبائل فونز کا فرانزک بھی کروایا گیا ہے ۔