پاک فضائیہ نے انٹر سروسز گالف چیمپئن شپ 2021 جیت لی
اسلام آباد (92 نیوز) پاک فضائیہ نے انٹر سروسز گالف چیمپئن شپ 2021 جیت لی۔
ترجمان پاک فضائیہ کے مطابق گالف چیمپئن شپ پاکستان ائیر فورس سکائی ویو گالف اینڈ کنٹری کلب لاہور میں منعقد ہوئی۔ انٹر سروسز گالف چیمپئن شپ کی پروفیشنل ٹرافی پاک فضائیہ نے جیتی۔
مہمانِ خصوصی ائیر وائس مارشل ظفر اسلم نے جیتنے والوں کھلاڑیوں کو ٹرافی اور انعامات تقسیم کئے۔
ترجمان کے مطابق پاک آرمی نے گالف کی ایمیچئیر ٹرافی حاصل کی۔ گیسٹ کیٹگری میں ریئر ایڈمرل طارق علی، بریگیڈیئر طاہر اور ریئر ایڈمرل عبدالباسط نے بالترتیب پہلا، دوسرا اور تیسرا نیٹ انعام حاصل کیا۔
