پاک بھارت کشیدگی ختم کرنے میں مائیک پومپیو کا کردار اہم ، امریکی محکمہ خارجہ
واشنگٹن ( 92 نیوز) نائب ترجمان امریکی محکمہ خارجہ رابرٹ پلاڈینو نے پریس بریفنگ میں کہا کہ پاک بھارت کشیدگی ختم کرنے میں مائیک پومپیو کا کردار اہم ہے ۔
واشنگٹن میں ہفتہ وار بریفنگ کے دوران رابرٹ پلاڈینو کاکہنا تھا کہ مائیک پومپیو سفارتی محاذ پر پاک بھارت وزرائے خارجہ سے مسلسل رابطے میں رہے ۔
انہوں نے کہا کہ پومپیو دونوں ممالک پر زور ڈالتے رہیں گے کہ وہ کشیدگی ختم کرنےکیلئے مزید اقدامات کریں ، اس مقصد کیلئے روابط بڑھائے جائیں اور آئندہ کسی بھی عسکری کارروائی سے گریز کیا جائے ۔
انہوں نے کہا کہ امریکا اعلیٰ سطح رابطوں میں رہا اور یہ رابطے اب بھی جاری ہیں ، بعض اوقات امریکا پبلک ڈپلومیسی کرتا ہے مگر یہ وقت پرائیویٹ ڈپلومیس کا ہے اور اس وقت پرائیویٹ ڈپلومیسی بہت زیادہ ہورہی ہے۔