پاک بحریہ کے سربراہ ایڈمرل ظفر محمود عباسی کا چینی فضائی اثاثہ جات کا دورہ
شنگھائی (92 نیوز) پاک بحریہ کے سربراہ ایڈمرل ظفر محمود عباسی نے شنگھائی میں چینی فضائی اثاثہ جات کا دورہ کیا۔
ترجمان پاک بحریہ کے مطابق چیف آف نیول اسٹاف ایڈمرل ظفر محمود عباسی شنگھائی نیول بیس پہنچے تو کمانڈر شنگھائی نیول بیس نے ان کا پرتپاک استقبال کیا۔
چینی بحریہ کے چاق و چوبند دستے نے انہیں سلامی بھی دی۔
ایڈمرل ظفر محمود عباسی نے شنگھائی نیول بیس کے کمانڈر ریئر ایڈمرل وانگ جیانزون سے ملاقات کی جس میں باہمی دلچسپی کے پیشہ ورانہ امور پر بھی تبادلہ خیال کیا گیا۔
ایڈمرل ظفر محمود عباسی نے جہاز یانگ زو اور چینی فضائی اثاثہ جات کا دورہ کیا۔
