پاک بحریہ فروری میں کثیرالقومی مشق امن 2021 کی میزبانی کرے گی ، ترجمان

کراچی (92 نیوز) پاک بحریہ فروری میں 7 ویں کثیرالقومی مشق امن 2021 کی میزبانی کرے گی۔

 امن مشقوں میں دنیا بھر سے بحری افواج شریک ہوتی ہیں اور اس کا مقصد خطے میں امن و استحکام کیلئے مشترکہ آپریشن اور جوابی کارروائیوں کی صلاحیتوں کو نکھارنا ہے۔

ترجمان پاک بحریہ کے مطابق اس مشق میں ”امن کیلئے متحد“ عزم کے تحت تقریباً 45 ممالک اپنے بحری اثاثوں اور مندوبین کے ساتھ شرکت کریں گے۔