پاک بحریہ اور اینٹی نارکوٹکس کا مشترکہ آپریشن ، 700 کلو گرام منشیات ضبط کرلی
کراچی ( 92 نیوز) پاک بحریہ نے خفیہ معلومات کی بنیاد پر اینٹی نارکوٹکس فورس کے ہمراہ مشترکہ آپریشن کے دوران 700 کلو گرام منشیات برآمد کر کے قبضے میں لے لی ۔
آپریشن بلوچستان کے ساحلی علاقے پشوکان میں کیا گیا، 2.2 بلین روپے مالیت کی منشیات کو بحیرہ عرب کے راستے نامعلوم مقام پر سمگل کیاجانا تھا ، ضبط شدہ منشیات کو قانونی کارروائی کے لئے اینٹی نارکوٹکس فورس کے حوالے کیا گیا۔
ترجمان پاک بحریہ کے مطابق کامیاب مشترکہ انسدادِ منشیات آپریشن ملکی بحری حدود میں غیر قانونی سرگرمیوں کے خلاف پاکستان بحریہ کے مضبوط عزم کا مظہر ہے۔
