پاک آرمی نے نیپال کے بین الاقوامی مہم جوئی مقابلوں میں طلائی تمغہ جیت لیا
راولپنڈی (92 نیوز) پاک آرمی نے نیپال کے بین الاقوامی مہم جوئی مقابلوں میں طلائی تمغہ جیت لیا۔ بین الاقوامی مہم جوئی مقابلوں میں بیس ٹیموں نے حصہ لیا۔
آئی ایس پی آر کے مطابق مقابلوں کا مقصد جسمانی مہارتوں، پھرتی اور ذہنی چستی کی جانچ تھا۔ مقابلے کراس کنٹری دوڑ، سائیکلنگ اور رافٹنگ پر مشتمل تھے۔ پاک آرمی کی ٹیم نے انٹرنیشنل کیٹیگری میں سونے کا تمغہ جیتا۔